یاد رکھیے دولت مند بننے کے لیے محنت، مستقل مزاجی اور کاروباری دیانت بنیادی شرائط ہیں۔ہرکامیاب شخص انہی کے سہارے کامیاب ہوا ہے۔ امیر ترین بننے کے لیے ’’سونے کی کان‘‘ یا ’’تیل کا کنواں‘‘ کھودنے کی ضرورت نہیں اور نہ ہی یہ ممکنات میں سے ہے۔آپ وہ کام کیجیے جس میں آپ ترقی کر سکیں۔صرف پانچ سال میں امیر ترین بن جائیں۔معجزات پر بھروسا نہ کریں۔زندگی جہدِ مسلسل کا نام ہے۔اس میں کاہل اور وہم پرستوں کے لیے کوئی جگہ نہیں ۔بعض لوگوں کاخیال ہے کہ امیر ترین بننے کے لیے اعلیٰ تعلیم کی ضرورت ہے حالانکہ یہ محض مفروضہ ہے۔ زندگی میں قابلِ رشک کامیابی یا دولت کے حصول کے لیے اعلیٰ تعلیم کی نہیں، ہمت، عزم، دیانت داری، مہارت اور تجربے کی ضرورت ہے۔ آپ اسے ٹیکنیکل ایجوکیشن بھی کہہ سکتے ہیں۔آنے والا دور ’’ٹیکنیکل ایجوکیشن‘‘ کا ہے۔بہت سے کالج اور یونیورسٹیاں اب اسی ایجوکیشن پر توجہ دے رہے ہیں، لہٰذا آپ اعلیٰ تعلیم کے چکر میں نہ پڑیں، صرف عملی ایجوکیشن پر توجہ دیں۔اگر آپ کسی کارخانے یا کمپنی میں ملازمت کو ترجیح دیتے ہیں تو پہلے اس کمپنی یا ادارے کے متعلق مکمل معلومات حاصل کیجیے،جو کمپنی یا ادارہ آپ کے مزاج اور مقاصد سے ہم آہنگ ہو اس میں شامل ہو جایئے، اگر ملازمت کے دوران آپ یہ محسوس کریں کہ اب آپ اپناکاروبار شروع کرنے کے خواہش مند ہیں، تو یہ آپ کی صوابدید اور ارادے پرمنحصر ہے۔ دنیا میں ایک نہیں ہزاروں کاروبار ایسے ہیں جن میں شامل ہو کر آپ بھی امیر ترین افراد کی فہرست میں اپنا نام لکھوا سکتے ہیں، لیکن جو کچھ آپ کرنا چاہیں اس کے لیے چند شرائط پر عمل کرنا ضروری ہے۔ذیل میں دئیے گئے، آزمودہ کُلّیات آپ کو اپنی منزلِ مقصود تک پہنچا سکتے ہیں۔آپ کی آسانی کے لیے چند ہدایات (شرائط) پیش کی جا رہی ہیں:
 -1پہلے یہ فیصلہ کریں کہ آپ کو کیا کرنا ہے؟
 -2اس کے بعد اس کام پر مکمل غورفکر کریں۔ 
-3ان لوگوں سے رابطہ کریں جنہیں آپ اپنے لیے ’’مفید‘‘ سمجھتے ہیں۔
 -4دوسروں کی ضروریات کو سمجھیں اور انہیں پورا کرنے کی کوشش کریں۔
 -5 دوسروں کو ان کی توقعات سے زیادہ دیں۔
 -6 جو دوسروں کی ناپسندیدہ ضرورتوں پر توجہ دیں اور انہیں پورا کرنے سے مکمل گریز کریں۔ 
-7 دوسروں سے مکمل تعاون کریں اور ان کی مدد کریں۔
 -8 دوسروں کو اپنے عمل سے یقین دلا دیں کہ آپ ان کے ہمدرد اور خیرخواہ ہیں۔
 -9 جب اپنا کاروبار شروع کر دیں تو اس میں کامیابی کے لیے انتھک محنت کریں۔ 
 -10 کاروباری دیانت اور خوداعتمادی کا دامن تھامے رکھیں۔

 (ایم- آر- کوپ میئر کی تصنیف ’’آپ چاہیں ، تو امیر بن سکتے ہیں‘‘ سے مقتبس)
Labels: ,
Reactions: 

Enter your email address:

Delivered by FeedBurner

Live Match Score

فیس بک پر تلاش کریں

مفت اکاؤنٹ کھولیں

Jobs Career in photography today!

Jobs Career in photography today!
Click on ads and grab your job.

گوگل پلس followers

گوگل پلس followers