پاگل آنکھوں والی لڑکی 
اتنے مہنگے خواب نہ دیکھو
تھک جاؤ گی
کانچ سے نازک خواب تمہارے
ٹوٹ گئے تو پچھتاؤ گی
تم کیا جانو
خواب__سفر کی دھوپ
خواب__ادھوری رات کی دوزخ
خواب__خیالوں کا پچھتاوا
خوابوں کا حاصل تنہائی
مہنگے خواب خریدنے ہوں تو
رشتے بھولنا پڑتے ہیں
خوابوں کے اوٹ سراب نہ دیکھو
پیاس نہ دیکھو
اتنے مہنگے خواب نہ دیکھو
تھک جاؤ گی................                                    تفصیل سے پڑھیے

                    --------------------------------------------------------------------------------------

گہری گہری آنکھوں والی۔۔۔۔
اُلجھی اُلجھی پاگل لڑکی۔۔۔۔
تُو یہ کس کی دُھن میں آخر۔۔۔۔
لمبی لمبی پلکوں اُوپر۔۔۔۔
موٹے موٹے آنسو لے کر۔۔۔۔
سُندر کومل پیروں نیچے۔۔۔۔۔
جلتی بلتی دھرتی دے کر۔۔۔۔۔
قریہ قریہ بھاگ رہی ھے۔۔۔۔۔۔
کِس کی خاطِر جاگ رہی ھے۔۔۔۔
تُجھ کو یہ معلوم نہیں کیا۔۔۔۔
تُجھ جیسی ناجانے کتنی۔۔۔۔۔
گہری گہری آنکھوں والی۔۔۔۔۔
کیسی کیسی سُندرتا کی۔۔۔۔
ڈھیر خزانے لے کر نکلی۔۔۔۔۔
لیکن پھر بھی اُس رستے پر۔۔۔۔۔
منزل تک پہنچنے والا۔۔۔۔۔
ھر اِک ساتھی جھوٹا نکلا۔۔۔۔۔
اِک اِک آشا دُشمن نکلا۔۔۔۔۔
اِک اِک سپنا دھوکہ نکلا۔۔۔۔۔
سُچا ھر اِک خدشہ نکلا۔۔۔۔۔
دیکھو تُم بھی جانے دو اب۔۔۔۔۔
نادانی کا جِتنا رستہ۔۔۔۔
تُم نے اب تک طے کر ڈالا۔۔۔۔۔
اُس رستے سے گھر کی منزل۔۔۔۔۔
اب تک اِتنی دور نہیں ھے۔۔۔۔
اب بھی واپِس جا سکتی ھو۔۔۔۔۔
اب بھی اگر تُم نادانی کے۔۔۔۔۔
اِس رستے سے واپس نہ پَلٹی۔۔۔۔۔
تو پھر اِک دِن ایسا ھو گا۔۔۔۔۔
سُندر آنکھین مَر جائیں گی۔۔۔۔۔
پَلکیں خون سے بھر جائیں گی۔۔۔۔۔
جان لبوں پر آجائے گی۔۔۔۔
تَن کے سارے اُلجھے پَن کو۔۔۔۔۔
غور مُسافت کھا جائے گی۔۔۔۔۔
اُس دِن پھر تم چِلاؤ گی۔۔۔۔۔
لیکن کچھ حاصل نہ ھو گا۔۔۔۔۔
سارے لَمس کے بھوکے ساتھی۔۔۔۔۔
پَنکھ لگا کر اُڑ جائیں گے۔۔۔۔۔
تم رستے میں رہ جاؤ گی۔۔۔۔۔
رستہ بھی وہ کہ جس کے پیچھے۔۔۔۔
ڈر کے گہرے دلدل ھوں گے۔۔۔۔۔
آگے غم کا جنگل ھو گا۔۔۔۔۔
سر پر گہرا بادل ھو گا۔۔۔۔۔
اُس دِن کے آنے سے پہلے۔۔۔۔۔
اُس دن تک جانے سے پہلے۔۔۔۔۔
وقت مِلے تو ڈھلنے والے۔۔۔۔۔
ھر لمحے کی ذات پے سوچو۔۔۔۔
دُنیا کی بارِیک نظر سے۔۔۔۔۔
دُنیا کے ھر بات پے سوچو۔۔۔۔۔
جَذبوں کی اوقات ھی کیا ھے۔۔۔۔۔
جَذبوں کی اوقات پے سوچو۔۔۔۔۔
وہ دیکھو۔۔۔۔۔۔
اِک سائے پر پھر ویرانے میں۔۔۔۔۔
بجلی کڑکی۔۔۔۔۔
گہری آنکھوں والی۔۔۔۔۔
اُلجھی اُلجھی پاگل لڑکی۔۔۔۔۔!!!!..!!

------------------------------------------------------------------------- 

Enter your email address:

Delivered by FeedBurner

Live Match Score

فیس بک پر تلاش کریں

مفت اکاؤنٹ کھولیں

Jobs Career in photography today!

Jobs Career in photography today!
Click on ads and grab your job.

گوگل پلس followers

گوگل پلس followers